Ambasadori amerikan, Greg Delawie po kërkon që hetimet për listat e veteranëve të bëhen pa kërcënime, frikë dhe ndërhyrje të politikës.
Kështu të paktën ka shkruar ai në rrjetin social Twitter.
Delawie thotë se me rastin e veteranëve duhet të shihet çfarë sistemi të drejtësisë ka Kosova, transmeton lajmi.net.
“Po vëzhgoj me kujdes hetimet për korrupsionin në dhënien e përfitimeve për veteranët. Çështja duhet të trajtohet pa kërcënime, frikësim dhe ndërhyrje politike. Qytetarët e sidomos veteranët duhet të shohin se sistemi do të vendos me drejtësi”, ka shkruar ambasadori amerikan.
Ndryshe ish-prokurori Elez Blakaj që po hetonte këtë rast, është larguar për në Amerikë. Në aktakuzën e tij ai kishte vërtetuar se mbi 19 mijë veteranë janë mashtrues.
Ata i kushtojnë buxhetit të Kosovës mbi 3 milionë euro në muaj, e mbi 36 milionë në vit.
Për këtë çështje Blakaj ka publikuar kohë më parë një letër ku akuzonte Kryeprokurorin Lumezi për presion dhe kërcënime.
Pikërisht për shkarkimin e Lumezit nesër në Prishtinë do të ketë përsëri protestë. /Lajmi.net/
Pacolli uron 17-vjetorin e Pavarësisë: Festojmë me krenari s...
Audi sfidon konkurrencën – njofton vetura më të shtrenjta dh...
Vendos goli i Conceicaos, Juventusi triumfon derbin e Italis...
Shtatë arsye pse duhet të nisni mëngjesin me banane
Qeshni më pak për të mos u dukur të vjetër
Volkswagen po vjen me një model të ri elektrik të përballues...